ABŞ Prezidenti "Hizbullah"ın rəhbərliyi ilə birbaşa dialoqa razıdır?

ABŞ Yaxın Şərq münaqişəsinin nizamlanması üzrə İran rəsmiləri ilə danışıqların bərpasında məna görmür.

Bunu ölkə Prezidenti Donald Tramp Ağ Evdə livanlı həmkarı Cozef Aunla görüşündə bəyan edib.

“Onlar konstruktiv görüş keçirməyə hazır olana qədər biz bunda maraqlı deyilik”, – Tramp qeyd edib.

O həmçinin bildirib ki, Birləşmiş Ştatlar İranla qarşıdurmada uğur qazanıb, lakin münaqişəni dayandırmaq və yaxın vaxtlarda qüvvələrini çıxarmaq niyyətində deyil.

“Biz sabah geri çəkilmirik. Bunun tam başa çatmasına hələ çox var”, – ABŞ Prezidenti vurğulayıb.

Bu arada Tramp qeyd edib ki, lazım gələrsə, “Hizbullah” hərəkatının rəhbərliyi ilə birbaşa dialoq aparmağa hazırdır.

“Əgər Livan Prezidenti mənim “Hizbullah”la danışmağımı istəsəydi, mən bunu edərdim. Yəni bu belə bir ideyadır. Suriya Prezidenti ilə çox yaxşı yola gedirik. O, əla iş görüb. Suriyanı birləşdirə bilib. O, artıq çoxdan “Hizbullah”la mübarizə aparır”, – Tramp qeyd edib.