ABŞ Senatı Rusiya əleyhinə 3 qanunu təsdiqlədi
“Ukrayna bu günədək ABŞ istehsalı olan təxminən 2 milyard dollar dəyərində silah alıb və bu silahların ödənişi Avropa İttifaqına üzv müttəfiq ölkələr tərəfindən həyata keçirilib”.
Bunu NATO-nun baş katibi Mark Rütte bəyan edib.
NATO rəsmisinin sözlərinə görə, bu mexanizm Kiyevə yardımın davamlılığını təmin etməyə və ABŞ silahlarının Avropa vasitəsilə Ukraynaya çatdırılmasına imkan verir.
Bu arada, ABŞ Konqresinin Senatındakı Xarici İşlər Komitəsi Rusiyaya qarşı yönəlmiş üç qanun layihəsini təsdiqləyib. Məlumata görə, birinci qanun layihəsi ABŞ-də dondurulmuş Rusiya dövlət aktivlərindən istifadə edilərək Ukraynaya maliyyə yardımı göstərilməsini nəzərdə tutur.
İkinci sənəd Rusiyanın terrorizmin sponsorları siyahısına daxil edilməsini təklif edir. Hazırda ABŞ Dövlət Departamentinin siyahısında İran, Şimali Koreya, Kuba və Suriya yer alır.
Üçüncü qanun layihəsi isə Çinin guya Rusiyanın Ukraynadakı “xüsusi hərbi əməliyyatını” dəstəkləməsi ilə bağlı sanksiyaların tətbiqini nəzərdə tutur.
#ABŞ Senatı teqi istifadə olunub
- Qalmaqallı məktub: Beynəlxalq müşahidəçiləri ermənilərin məhkəməsinə cəlb etmək istəyənlər - Baku TV
- Respublikaçılarla demokratlar hansı məsələdə razılığa gələ bilmirlər?
- ABŞ senatında şatdaunla bağlı növbəti səsvermə uğursuz oldu
- Prezident ABŞ Senatının Xarici Əlaqələr Komitəsinin üzvü ilə nələrdən danışdı?
- Bu müraciət qəbuledilməzdir! | Milli Məclis ABŞ-nin ikiüzlü siyasətinə səssiz qalmadı
