“Açıq şəkildə deyirlər ki, Ukraynada sülh olmamalıdır” | Maçaraşvili

25 noyabr 2025 285 baxış

“Avropalılar açıq şəkildə deyirlər ki, Ukraynada sülh olmamalıdır, arqumentləri də budur ki, bundan sonra Rusiya Baltikyanı ölkələrə hücum edəcək”.

Bunu Gürcüstan parlamentinin deputatı Quram Maçaraşvili bildirib.

“Qlobal müharibə partiyası öz xasiyyətini dəyişmir. Təəssüf ki, Ukraynada müharibə var və biz onlara sülh arzulayırıq. Bu adamlar deyirdilər ki, əvvəl-axır Ukraynada müharibə olmalıdır. Ukraynanın müharibədə olmasından təəssüflənirik, amma sevinirik ki, Gürcüstanda sülhdür.

Avropalılar isə açıq şəkildə deyirlər ki, Ukraynada sülh olmamalıdır, arqumentləri də budur ki, guya Rusiya bundan sonra Baltikyanı ölkələrə hücum edəcək. Bildirirlər ki, Ukraynada müharibə bitsə, növbə onlara çatacaq. Bunu İsveç və Baltikyanı ölkələrin (Latviya, Litva, Estoniya) nümayəndələri söyləyirlər. Nə vaxt Ukraynada müharibənin başa çatması məsələsi gündəmə gəlir, ertəsi gün Avropa dövlətlərində vahimə başlayır”, ‒ Quram Maçaraşvili qeyd edib.

#Rusiya-Ukrayna müharibəsi