Alimlər ilki gerçəkləşdirdi | Tibb üçün elə bir qurğu hazırlandı ki...

Harvard Universitetinin alimləri özünü bərkidən qurğu yaradıblar.

Cihaz biotibbi istifadə üçün nəzərdə tutulub.

Alimlər bu yeniliyə parazit qurdların orqanlarının düzülüşü ilə tanışlıqdan sonra imza atıblar.

Minitikanlı boru şəklində olan yeni cihaz tibdə inqilablar vəd edir. Çünki bədənin çətin əldə edilən sahələrinin diaqnostikası və müalicəsində istifadə olunacaq.

Alimlər qurğunu laminasiya texnologiyalarından istifadə etməklə ərsəyə gətiriblər. Bu da onun düz formada olmasına imkan verir. Düz cihaz üçölçülü formada açılan zaman diametri beş millimetrdən az, çəkisi isə cəmi 44 mikroqramdır.

Qurğunun əsas xüsusiyyəti lent qurdunun mexanizmlərini təqlid edən qarmaq sistemidir. Təmas zamanı qarmaqlar bir millisaniyədən az müddətdə açılır və minimal zərərlə nüfuz edir. Bu isə bədənin ən əlçatmaz bölgələrində müalicə və diaqnoz üçün yeni imkanlar açır.

Tədqiqatçılar vurğulayırlar ki, yeni texnologiya təkcə tibdə deyil, həm də vəhşi təbiətin monitorinqi və ağıllı tekstil materiallarının yaradılması kimi sahələrdə də istifadə oluna bilər.