Altsheymer və Herpes virusu arasında hansı əlaqələr var? | Alimlərdən maraqlı məlumatlar

ABŞ və İsraildən olan beynəlxalq alim qrupu Alzheimer xəstəliyi ilə 1-ci tip sadə herpes virusu, yəni HSV-1 arasında gözlənilməz əlaqə aşkar ediblər.

Bu nəticələr göstərir ki, virus infeksiyaları neyrodegenerativ xəstəliklərin inkişafında əsas rol oynaya bilər.

Alimlərin sözlərinə görə, HSV-1 virusu beyində tau zülalının səviyyəsinə təsir edir. Ənənəvi olaraq Alzheimer xəstəliyində zərərli hesab edilən bu zülal əvvəlcə beyni virus infeksiyasından qorumağa kömək edir, lakin sonradan neyronların zədələnməsini daha da ağırlaşdırır.

“Bizim işimiz tau zülalının yalnız zərərli olması haqqında mövcud təsəvvürə meydan oxuyur və göstərir ki, erkən mərhələlərdə o beyinin immun müdafiəsinin bir hissəsi ola bilər”, – deyə müəlliflərdən biri qeyd edib.

Herpesin tau zülalına və Alzheimer xəstəliyinin inkişafına təsirinin dəqiq mexanizmləri hələ də aydın olmasa da, alimlər əlavə tədqiqatlar planlaşdırırlar. Onlar virus zülallarına yönəlmiş terapevtik strategiyalar hazırlamağı və beyinin immun cavabını tənzimləməyi nəzərdə tuturlar.