site.post.choose_player
Antonio Quterreşdən Qəzza ilə bağlı açıqlama
“Prezident Donald Trampın təklifi ilə Qəzzada atəşkəs və girovların azad edilməsinə dair razılaşmanı alqışlayıram”.
Bu barədə BMT-nin Baş katibi Antonio Quterreş bəyan edib.
“Mən ABŞ, Qətər, Misir və Türkiyənin vasitəçilik üçün göstərdiyi səyləri təqdir edirəm. Biz hamımız bu anı gözləyirdik. Mən bütün tərəfləri sazişin şərtlərinə tam əməl etməyə və təqdim olunan imkanlardan istifadə etməyə çağırıram. Bütün girovlar azad edilməlidir. Daimi atəşkəs təmin olunmalıdır. Birləşmiş Millətlər Təşkilatı isə hərtərəfli dəstəyini göstərəcək, komandalarımız hazır vəziyyətdədir. Biz qida, su, tibbi yardım və sığınacaq yardımını artıra bilərik. Ancaq bu atəşkəsin reallaşması üçün bizə silahların susdurulmasından daha çoxu lazımdır.
Xatırlatmaq istəyirəm ki, münaqişələrin həlli yolları döyüş meydanında deyil, danışıqlar masası arxasında həll olunmalıdır. Bütün dünyanın gözü burdadır”, – deyə o bildirib.
site.post.link_copied
site.post.chosen_posts
