Aral dənizi ilə bağlı qərar verildi | Mərkəzi Asiya ölkələri hərəkətə keçdi

13 fevral 2025 350 baxış

2024-cü ilin oktyabrından 2025-ci ilin yanvarınadək Aral dənizinin şimal hissəsinə 1 milyard kubmetr su buraxılıb ki, bu da nəzərdə tutulan həcmi 100 milyon kubmetr üstələyib.

Mərkəzi Asiya ölkələrinin əldə etdiyi razılaşmalar sayəsində 2025-ci ilin mart ayının sonunadək Aral dənizinin şimalına ümumilikdə 1,6 milyard kubmetr su axıdılacaq.

Hazırda Aral dənizinin şimal hissəsində suyun ümumi həcmi 22,1 milyard kubmetrdir. 2022-ci ilin əvvəlində bu rəqəm 18,9 milyard kubmetr təşkil edib.

Dənizdəki suyun həcminin 2025-ci ilin sonuna kimi 23,4 milyard kubmetrə qədər artacağı gözlənilir.

Aral dənizinin şimal sahəsi də artmaqda davam edir və hazırda 3065 kvadratkilometrə çatıb. Bu, 2022-ci ilin əvvəli ilə müqayisədə 111 kvadratkilometr çoxdur.

Aral dənizinin şimal hissəsinin həcminin və sahəsinin artması suyun minerallaşmasını azaltmağa və 22 balıq növünün populyasiyasını bərpa etməyə imkan verib. Balıq ovunun illik həcmi isə 8 min tona çatıb.

#Aral dənizi