Argentina Kiyevə qoşun göndərir? | Ukrayna cəbhəsində vəziyyət ağırdır

“Biz Prezident Donald Trampın təklifi ilə razıyıq. Görüş üçtərəfli, sonra isə ikitərəfli formatda və ya əksinə keçirilə bilər. Amma yalnız liderlər arasında, texniki komandalar arasında yox”.

Bu barədə Ukrayna Prezidenti Volodimir Zelenski özünün “X” hesabında paylaşım edib.

O, cəbhədə vəziyyətin çətin olaraq qaldığını və Rusiya dronları ilə mübarizədə Kiyevin maliyyə problemi ilə üzləşdiyini bildirib.

“800 “Şahed” dronu ilə mübarizə aparmaq üçün bizə 1600 dron lazımdır. Bunların birinin qiyməti isə 3000 avrodur. Rusiyanın PUA hücumlarının qarşısını almaq üçün simmetrik cavab verməliyik. Bizim uzaqmənzilli potensialımız var, amma maliyyə problemi ilə üz-üzəyik”, − deyə V.Zelenski qeyd edib.

“Argentina hakimiyyəti Ukraynaya hərbi kontingentin göndərilməsi məsələsinə baxmağa hazırdır”.

Bunu isə Cənubi Amerika ölkəsinin Rusiyadakı səfiri Enrike İqnasio Ferrer Vieyra bəyan edib.

Diplomatın sözlərinə görə, Argentina dəfələrlə BMT-nin sülhməramlı missiyalarında iştirak edib və bu ehtimal hazırkı Rusiya-Ukrayna münaqişəsi kontekstində də müzakirə oluna bilər.