AŞPA-da Gürcüstanla bağlı qalmaqallı qərar | Detallar açıqlandı

Avropa Şurası Parlament Assambleyası Gürcüstanda yeni parlament seçkilərinin keçirilməsi və siyasi məhbusların azad edilməsini tələb edən qətnamə qəbul edib.

Qətnamə lehinə 114, əleyhinə 13 səs qeydə alınıb.

Gürcüstan hakimiyyətindən qarşıdakı aylarda yeni seçkilər elan etmək, nümayişçilərə qarşı güc tətbiqini, jurnalistlərə, vətəndaş fəallarına qarşı hüquqi mexanizmlərdən istifadəni dayandırmaq, “xarici agentlər” qanununu geri çəkmək tələb edilib.

Hakim “Gürcü Arzusu” partiyası sözügedən tələbləri aprel ayına qədər yerinə yetirməlidir. Həmin vaxtadək Gürcüstan nümayəndə heyətinin səlahiyyətləri məhdud olacaq.

Bundan sonra ölkə parlamentinin nümayəndə heyəti AŞPA-da fəaliyyətini dayandırıb. Bu barədə nümayəndə heyətinin rəhbəri, parlamentin vitse-spikeri Tea Tsulukiani bildirib.

O qeyd edib ki, Gürcüstan nümayəndə heyəti “ölkəyə və onun xalqına qarşı şantaj dayandırıldıqdan” sonra AŞPA-da fəaliyyətini bərpa edəcək.