Pleyeri seçin:
Avropanın yeraltı qaz anbarlarında ehtiyatlar 45 %-dən aşağı endi
Avropanın yeraltı qaz anbarlarında ehtiyatların həcmi 45 %-dən aşağı düşüb.
Bu barədə Avropa Qaz İnfrastruktur Operatorları Assosiasiyasının məlumatlarında qeyd olunub.
Bildirilib ki, yanvarın 25-nə anbarlardan çıxarılan qazın həcmi təxminən 692 milyon kubmetrə çatıb. Hazırda anbarlarda qalan həcm 50 milyard kubmetrdən azdır.
Soyuq hava şəraitində Avropada yanvar ayında qazın orta alış qiyməti hər 1 000 kubmetr üçün 398 dollar təşkil edib. Dekabrda bu rəqəm 334 dollar olub. Qiymətlər 2025-ci ilin yazından bəri ən yüksək səviyyəyə qalxıb.
Qeyd edək ki, anbarlardan qaz çıxarılmasının son mövsümü 2025-ci il martın 28-də başa çatıb. Bu zaman doluluq səviyyəsi 33,57 % olub. Hazırda isə bu göstərici 44,95 %-dir.
Bir il əvvəl anbarların doluluq səviyyəsi 56,2 % təşkil edirdi. 2025-ci il oktyabrın 13-də istilik mövsümünün başlamasından ötən müddətdə Avropa İttifaqı ölkələri anbarlardan təxminən 47 milyard kubmetr qaz çıxarıblar.
Kopyalandı
Seçilmişlər
