Bacım ölür, kömək edin... | Nihal Candanın bacısı Bahar fəryad etdi

Türkiyəli sosial şəbəkə fenomeni Nihal Candan səhhətindəki problemlərə görə reanimasiyaya yerləşdirilib.

Anoreksiya nevroz diaqnozu qoyulan və çəkisi 29 kiloqrama düşən fenomenin vəziyyətinin ciddi olduğu bildirilir.

Məlumata görə, N.Candan orqan çatışmazlığından da əziyyət çəkir.

Yaxınları onun yemək yeyə bilmədiyini, yeməkdən imtina etdiyini və reanimasiyaya yerləşdirilmək istəmədiyini söyləyib.

N.Candanın anası da açıqlamasında qızının sözə qulaq asmadığını, yeməkdən imtina etdiyini deyib.

Sosial şəbəkələrdə N.Candanın bacısı Bahar Candan paylaşım edərək “bacım ölür, kömək edin” sözlərini yazıb.

Qeyd edək ki, 30 yaşlı Nihal Candan 2014-cü ildə “Bu tarz benim” yarışmasında iştirakı ilə məşhurlaşıb. O həmçinin 2016-cı ildə “Survivor” yarışmasında da iştirak edib.

Sosial şəbəkə fenomeni olan Nihal və Bahar Candan bacıları 2023-cü ilin noyabrında “fırıldaqçılıq” və “çirkli pulların yuyulması” ittihamı ilə həbs ediliblər. Həbsxanada olarkən iştahasızlıq diaqnozu qoyulan 29 yaşlı Nihal Candan bir müddət əvvəl səhhətindəki problemlərə görə azadlığa buraxılıb. Bu müddətdə sürətlə arıqlayan N.Candanın vəziyyəti daha da pisləşib.