Balinaların bu növünün özünəməxsus "əlifba"sı mövcuddur

Alimlər okeanların ən nəhəng və sirli canlılarından olan kaşalotların (sperm balinaları) ünsiyyət forması ilə bağlı inqilabi kəşfə imza atıblar. "The Guardian" nəşrində dərc olunan son araşdırmalara görə, bu dəniz məməlilərinin səsləri sadəcə siqnallardan ibarət deyil, onlar insan nitqinə bənzər mürəkkəb struktura və özünəməxsus "əlifba"ya malikdir. Dominikan Respublikası sahillərində aparılan tədqiqatlar zamanı kaşalotların çıxardığı qısa səs siqnallarında (kodalarda) saitlərə bənzər elementlər və müəyyən bir düzülüş qaydası aşkar edilib. Balinalar səslərin tonunu və uzunluğunu dəyişərək fərqli mənalar ifadə edə bilirlər ki, bu da onların sosial bağlarının və intellektlərinin nə dərəcədə inkişaf etdiyini göstərir. Bu kəşf, gələcəkdə dəniz canlılarının mürəkkəb kommunikasiya sistemini anlamaq və hətta onlarla ünsiyyət qurmaq üçün yeni perspektivlər açır.