Bayden oğluna görə elə bir şey etdi ki… | Trampı özündən çıxardan qərar

ABŞ Prezidenti Cozef Bayden iki məhkəmə işi üzrə oğlu Hanteri əfv etmək qərarına gəlib. Bu barədə Ağ Ev liderinin bəyanatında deyilir.

“Hanterin işinə bənzər hallar adətən daha yumşaq cəza tədbirləri ilə həll olunur” deyən Bayden oğlunun yalnız siyasi təzyiq səbəbindən hədəfə çevrildiyini vurğulayıb.

Söhbət Delaver və Kaliforniya ştatlarındakı proseslərdən gedir. Delaver ştatında Hanter Baydenə silah alışı ilə bağlı ittiham irəli sürülüb. Kaliforniyada isə amerikalı liderin oğlu vergidən yayınmada günahını etiraf edib.

Qeyd edək ki, Hanter Bayden 2018-ci ildə narkotik maddənin təsiri altında odlu silah alması ilə bağlı üç maddə üzrə təqsirli bilinib. O həmçinin vergidən yayınma ilə bağlı irəli sürülmüş 9 ittiham üzrə məhkəmədə təqsirli olduğunu etiraf edib. Silah alışı ittihamı üzrə onun həbsi dekabrın 13-nə, vergi məsələsi ilə bağlı isə dekabrın 16-na nəzərdə tutulmuşdu.