Belarus müxalifətindən qeyri-adi addım

Belarus müxalifəti süni intellekt vasitəsilə prezidentliyə namizəd yaradıb.

Bu barədə ölkə müxalifətinin mühacirətdə olan lideri Svetlana Tixanovskaya sosial media hesabında paylaşım edib.

Bildirib ki, Belarusdakı seçki sadəcə uydurmadır:

“Budur, orijinal bir şey: Biz insanlarla ünsiyyət qurmaq və suallara cavab vermək üçün süni intellektdən istifadə edərək “Yas” adlı virtual namizəd yaratdıq. Açığı, o, rejimin təklif etdiyi istənilən namizəddən daha realdır və bilirsiniz, ən yaxşı tərəfi nədir? Onu həbs etmək olmur!", – deyə xanım S.Tixanovskaya paylaşımında qeyd edib.