Belçikadan Ukraynaya gözlənilməz dəstək | Müharibənin gedişatı dəyişə bilər - Baku TV

Ukraynanın Sumı şəhərində məktəb binasına zərbə endirilib, nəticədə iki nəfər ölüb, altı nəfər isə yaralanıb.

Bu barədə Ukrayna Prezidenti Volodimir Zelenski "Telegram" kanalında bildirib.

Onun sözlərinə görə, zərbə dörd idarəolunan aviasiya bombası ilə həyata keçirilib. Xəsarət alanlar arasında üç uşağın olduğu qeyd olunub.

Zelenski həmçinin diqqətə çatdırıb ki, Belçika bu ilin sonunadək Ukraynaya üç F-16 qırıcı təyyarəsi verməyi planlaşdırır. O vurğulayıb ki, Ukrayna bu təyyarələri sürətləndirilmiş prosedur üzrə təhvil alacaq:

"Belçika ilə ilin sonuna qədər bizə üç F-16 qırıcı təyyarəsinin verilməsi barədə mühüm razılaşma əldə olunub. Bu təyyarələri sürətləndirilmiş prosedur üzrə təhvil alacağıq".

Zelenski həmçinin qeyd edib ki, Ukrayna artıq Belçikadan və digər ölkələrdən, xüsusən də İspaniyadan F-16-lar üçün təcili sursat alıb.