Belqorodda PUA-lar havada uçuşur

Naməlum pilotsuz uçuş aparatından Belqorod vilayətindəki “Qazprom”un binasına partlayıcı atılıb.

Bu barədə Rusiya KİV-i məlumat yayıb. Bildirilib ki, Oktyabrski kəndində baş verən hadisə nəticəsində binanın pəncərələri sınıb, fasad və dam örtüyünə də ziyan dəyib.

Mayın 26-na keçən gecə isə vilayətin Novaya Tavoljanka kəndinə çoxlu sayda PUA-nın atıldığı, onlardan birinin yaşayış evinə düşdüyü, digərinin isə Rusiya Silahlı Qüvvələri tərəfindən məhv edildiyi bildirilib.

Qeyd edək ki, son günlər Rusiya mediasında ukraynalı diversantların mütəmadi olaraq Belqorod vilayəti və yaxın kəndləri müxtəlif silahlardan atəşə tutduğu barədə məlumatlar yayılır. Rəsmi Kiyev isə bütün ittihamları rədd edir.