Beş Avropa ölkəsindən olan mütəxəssislər belə qənaətə gəlib

Yaxın Şərqdə alovlanan müharibə və Hörmüz boğazının qapadılması ehtimalı Avropanın enerji təhlükəsizliyini ciddi sual altına qoyub. Baku.tv-nin məlumatına görə, beş Avropa ölkəsindən (Almaniya, Fransa, İtaliya, Polşa və İspaniya) olan aparıcı iqtisadiyyat və energetika mütəxəssisləri birgə hesabat hazırlayaraq vahid qənaətə gəliblər: Əgər İran regiondakı logistik su yollarını tamamilə blokadaya alarsa, Avropa İttifaqı son 50 ilin ən ağır enerji böhranı ilə üzləşəcək. Mütəxəssislərin rəyinə görə, neftin qiymətinin 200 dollara yüksəlməsi fonunda Avropanın sənaye nəhəngləri istehsalı 30% azaltmaq məcburiyyətində qala bilər. Hesabatda vurğulanır ki, Azərbaycanın tədarük etdiyi təbii qaz və neft həcmləri hazırda "qitənin yeganə nəfəsliyi" rolunu oynayır. Avropalı ekspertlər həmçinin xəbərdarlıq edirlər ki, hərbi əməliyyatların uzanması Avrozonada inflyasiyanın ikirəqəmli həddə çatmasına və sosial gərginliyin artmasına səbəb olacaq. Videoda beş ölkənin mütəxəssislərinin hazırladığı "qara ssenari"nin detalları və çıxış yolları təhlil olunur.