Binalarda baş verən yanğın canlar aldı | Çində faciə yaşandı

Noyabrın 26-sı Çinin Honkonq şəhərinin şimalında yerləşən Tay Po rayonundakı yaşayış kompleksində bir neçə binada güclü yanğın baş verib.

Hadisə nəticəsində 1-i yanğınsöndürmə əməkdaşı olmaqla 4 nəfər həlak olub.

Fövqəladə Hallar Xidmətinin əməkdaşları alovu söndürmək üçün mübarizə apararkən yanğın daha da güclənib.

Çinin kütləvi informasiya vasitələrində Daxili İşlər Nazirliyinə istinadən yayılan məlumatlarda bildirilib ki, yanan yaşayış binalarının içində bir neçə nəfər qalıb, 2 nəfər isə ağır yanıq xəsarəti ilə xəstəxanaya çatdırılıb.

Yanğının gecə saatlarında başladığı vurğulanıb, hadisə yerinə gələn yanğınsöndürənlər ilk dəqiqələrdən 31 mərtəbəli binalarda başlayan yanğını söndürməyə çalışsalar da, buna nail ola bilməyiblər. Əvvəlcə Tay Podakı məhkəmə binasında yanğın baş verib, daha sonra isə alov ətrafa yayılıb.

Binalarda olan insanların dəqiq sayı hələ ki aydınlaşdırılmayıb. Yanğının başvermə səbəbləri də məlum deyil.

Faktla bağlı araşdırma aparılır.