Böyük Britaniyada quraqlıq elan edildi | Nazir vəziyyətlə bağlı hərəkətə keçdi

Böyük Britaniya 1910-cu ildən bəri ən günəşli yaz fəslini yaşayıb.

Martın 1-dən mayın 27-dək Böyük Britaniyada 630 saat günəşli hava qeydə alınıb. Bu göstərici ötən ilin eyni dövründəki 377 saatla müqayisədə əhəmiyyətli dərəcədə artım deməkdir.

Uzunmüddətli quraqlıq səbəbindən çaylar və su anbarlarındakı suyun səviyyəsi 60 faizdən aşağı düşüb. Bu səbəblə İngiltərənin şimal-qərb bölgəsində rəsmi olaraq quraqlıq elan edilib.

Yaranmış vəziyyətin ciddiyyətini nəzərə alaraq ətraf mühit naziri Stiv Rid hökumətin inşa olunacaq iki böyük su anbarı layihəsinə nəzarəti birbaşa öz üzərinə götürüb.

Qeyd edək ki, bu quraqlıqdan əvvəl ölkə 2023-cü ilin oktyabrı ilə 2024-cü ilin sentyabrı arasında tarixindəki ən yağışlı 12 ayı yaşayıb və bu da genişmiqyaslı daşqınlara gətirib çıxarmışdı.