"Bu dəfə də gözlərini göyə diksinlər" | İrandan ABŞ-yə genişmiqyaslı cavab anonsu - Baku TV

"İran Silahlı Qüvvələri ABŞ-nin sentyabrın 2-nə keçən gecəki hücumlarına qətiyyətli cavab verəcək".

Bu barədə "Tasnim" agentliyi İranın hərbi mənbəsinə istinadən yazıb.

Mənbənin sözlərinə görə, İranın cavabı ABŞ-nin həyata keçirdiyi hücumlardan bir neçə dəfə daha geniş olacaq.

Məlumatda qeyd olunur ki, İran Ordusu ölkə ərazisinə və milli maraqlara qarşı istənilən təcavüzə qətiyyətli və genişmiqyaslı cavab verəcək.

Mənbə bildirib ki, ABŞ-nin regiondakı maraqları və hərbi bazaları qısa müddət ərzində İranın zərbələri üçün hədəfə çevriləcək.

"Məğlubiyyətin yaratdığı "dəlilik" amerikalıları çaşqın və heyrət içində qoyub. ABŞ hər dəfə yeni bir "axmaqlıq" etməklə özünü daha bir alçaldıcı vəziyyətə salır. Amerikalılar bu dəfə də gözlərini göyə dikib öz alçaldılmalarını izləsinlər", – deyə məlumatda qeyd olunub.

Həmçinin İran Silahlı Qüvvələri Baş Qərargahı bəyanatında ABŞ Ordusunun Sistan və Bəlucistan və Hörmüzgan ostanlarının bəzi ərazilərinə endirdiyi hava zərbələrinə cavab veriləcəyini açıqlayıb.