Pleyeri seçin:
Bundesverin sayı 260 minə çatdırılacaq | Almaniya
Almaniyada hərbi xidmətə çağırış püşkatma yolu ilə həyata keçiriləcək.
"Bild" nəşri xəbər verir ki, Sosial Demokrat Partiyası və Xristian Demokratlar İttifaqı blokunun koalisiyası hərbi xidmətin yeni modeli ilə bağlı qanun layihəsi üzrə kompromis əldə edib.
Hakimiyyət yaşı 18-dən yuxarı olan bütün kişilərin tibbi müayinədən keçməsini tələb etməyi planlaşdırıb. Orduya qəbul qaydaları könüllü olacaq.
Bununla belə, Bundesverin gücünü artırmaq üçün kifayət qədər yeni çağırışçı olmasa, orduya aparılanlar püşkatma yolu ilə seçiləcəklər.
Püşkatmada tibbi müayinədən keçən bütün kişilər iştirak edəcəklər. Xidmət müddəti üç ay, əsas təhsil də daxil olmaqla altı ay müddətində nəzərdə tutulub.
Sözügedən Avropa ölkəsində məcburi hərbi çağırış 2011-ci ildə ləğv edilib və peşəkar orduya keçid reallaşıb. Almaniya Müdafiə Nazirliyi 2035-ci ilə qədər Bundesverin sayını 183 mindən 260 minə çatdırmağı hədəfləyib.
Kopyalandı
#Hərbi xidmət teqi istifadə olunub
Seçilmişlər
