Çin bu sahədə də dünyaya səs salmağa davam edir

Çinin cənubundakı Foşan şəhərində ölkənin ilk avtomatlaşdırılmış humanoid robot istehsal xətti istifadəyə verilib.

İldə 10 min robot istehsal gücünə malik olan xətt Çinin bu sahədə kütləvi istehsala keçidində mühüm addım hesab olunur.

Layihə ölkənin 2026–2030-cu illəri əhatə edən sayca15-ci Beşillik İnkişaf Planında prioritet istiqamətlərdən biri kimi göstərilən robototexnika sektorunun inkişafına xidmət edir.

24 mərhələli rəqəmsallaşdırılmış dəqiq montaj prosesindən ibarət olan istehsal xətti orta hesabla hər 30 dəqiqədə bir humanoid robot istehsal edə bilir. Bu da ənənəvi üsullarla müqayisədə səmərəliliyi 50 faizdən çox artırır.

Eyni zamanda komponentlərin və hazır məhsulların təhlükəsizliyini yoxlamaq üçün 77 mərhələli test sistemi tətbiq olunur ki, bu da istehsal olunan robotların dayanıqlığını və etibarlılığını təmin edir.

Yeni xətt həmçinin yüksək çevikliyə malikdir və müxtəlif modellərin paralel şəkildə yığılmasına imkan verir.