Cinayətkar dəstənin başçısı həbsxanadan yoxa çıxdı | Ekvador

Ekvadordakı “Los Çoneros” cinayətkar qruplaşmasının rəhbəri həbsdən qaçıb.

Bu barədə həbsxanadan məlumat verilib.

“Los Çoneros” qruplaşmasının “Fito” ləqəbli rəhbəri Adolfo M.V-nin Quyakilyadakı həbsxanadan qaçması ilə bağlı ölkənin Baş Prokurorluğu cinayət işi açıb”, – qeyd olunub.

“Expresso” qəzetinin məlumatına görə, Fito bazar günü səhər ciddi rejimli “La Roka” həbsxanasına köçürülməli idi, lakin onu kamerasında tapmaq mümkün olmayıb.

Ekvador Prezidenti Daniel Noboa məsələ ilə bağlı Təhlükəsizlik Şurasının təcili iclasını çağırıb.

Qeyd edək ki, “Los Çoneros” Ekvadorun ən böyük narkokartelidir. Onun rəhbəri olan Fito 2011-ci ildə narkoticarət, cinayətkar qruplaşma yaratmaqda və qətldə günahlandırılaraq həbs edilib. 2013-cü ilin fevralında qaçmağa cəhd göstərsə də, elə həmin ilin mayında ələ keçib.