Donald Tramp Qətəri qoruyacağına söz verib

ABŞ Prezidenti Donald Tramp Qətərin təhlükəsizliyini rəsmən ABŞ-ın milli təhlükəsizlik maraqları ilə eyniləşdirən tarixi icra sərəncamı imzalayıb. 2025-ci ilin sentyabrında imzalanan sərəncamda qeyd olunur ki, Qətərin ərazi bütövlüyünə və suverenliyinə qarşı istənilən hücum ABŞ-a edilmiş hücum kimi qiymətləndiriləcək. Baku TV-nin təqdim etdiyi süjetdə bildirilir ki, bu addım İsrailin Dohada HƏMAS liderlərinə qarşı həyata keçirdiyi gözlənilməz əməliyyatdan sonra yaranan gərginliyi azaltmaq və Qətərin strateji əhəmiyyətini vurğulamaq məqsədi daşıyır. Sənədə əsasən, Vaşinqton Qətəri qorumaq üçün diplomatik, iqtisadi və zərurət yaranarsa, hərbi vasitələrdən istifadə edəcəyinə söz verib. Trampın "Qətər bizim böyük müttəfiqimizdir və onlar qorunacaqlar" bəyanatı Yaxın Şərqdə yeni bir hərbi çətirin formalaşması kimi qiymətləndirilir. Regiondakı hərbi balansın dəyişməsi və Əl-Udeyd bazasının artan rolu barədə hər şey Baku TV-nin "Dünya" rubrikasında.