Elə bir fəlakət baş verib ki... | Atmosferdə oksigen olmayıb?

Beynəlxalq elm adamları və tədqiqatçılar təxminən 2,5 milyard il əvvəl baş verən Oksigen Fəlakəti ilə vulkanik fəaliyyət arasında bağ tapıblar.

Hazırda Yerin atmosferi 21% oksigendən ibarətdir və bu qaz bizim üçün həyati əhəmiyyət daşıyır. Lakin bu, həmişə belə deyildi. 3 milyard il əvvələ qədər atmosferdə faktiki olaraq oksigen yox idi.

Müasir elm adamları hesab edirlər ki, təxminən 2,5 milyard il əvvəl fotosintezdən istifadə edərək karbon qazını oksigenə çevirməyə başlayan mikroorqanizmlərin fəaliyyəti ilə əlaqəli Oksigen Fəlakəti kimi tanınan bir proses baş verib.

Alimlər hesab edirlər ki, bu prosesi sürətləndirmək üçün qitələrin böyüməsi və intensiv vulkanik fəaliyyət kimi böyük geoloji hadisələrə ehtiyac var idi.

Tokio Universitetinin professoru Eyiti Tadzikanın komandası modeldən istifadə edərək 2,5 milyard il əvvəl Yerdəki bioloji, geoloji və kimyəvi dəyişikliklərin əsas aspektlərini simulyasiya edib.

Onlar belə nəticəyə gəliblər ki, vulkanik fəaliyyət atmosferdə karbon qazının konsentrasiyasını artırıb, bu da öz növbəsində qlobal temperaturu yüksəldib və okeanlara qida maddələrinin tədarükünü artıraraq dənizdə həyatın böyüməsini təşviq edib. Nəticədə atmosferdəki oksigenin səviyyəsi müvəqqəti artıb.