Pleyeri seçin:
Erməni QHT üzvündən sensasiyalı açıqlama | Ermənistanın canına qorxu düşdü
“Tavuşda Ermənistan Ordusunun hərbçilərinə mövqelərindən geri çəkilmək əmri verilib”.
Bu iddia ilə Ermənistanın “Ayekve” assosiasiyasının İdarə Heyətinin üzvü Avetik Kerobyan çıxış edib.
A.Kerobyan bildirib ki, ordu komandanlığı bölgədəki hərbçilərə ərazilərdən geri çəkilməklə bağlı əmr verib.
“Onlar gəlib belə deyiblər: bu ərazilərdən çəkilin. Sünikdə bəzi mövqelərin təslim edilməsi xəbərini də sonradan öyrənmişdik. Tavuşda da eyni vəziyyətlə üzləşəcəyik. Ərazilər növbəti mərhələdə Azərbaycana veriləcək”, ‒ deyə erməni QHT nümayəndəsi bildirib.
Qeyd edək ki, bundan öncə Tavuş bölgəsində delimitasiya və demarkasiya prosesi çərçivəsində sərhəddə yerləşən bəzi ərazilərin minalardan təmizləndiyi açıqlanıb. Ermənistan Müdafiə Nazirliyi həmin ərazidə çıxarılmış minaların partladılacağı ilə bağlı əhaliyə xəbərdarlıq edib.
Kopyalandı
