Ermənistan parlamentində dava düşüb

Əlbəyaxa davaları ilə medianın gündəmində olan Ermənistan parlamentində növbəti qalmaqal yaşanıb. Bu barədə erməni mediası məlumat yayıb.

Bildirilib ki, bu dəfə dava “Hayastan” fraksiyasının deputatı Artur Sarkisyanın çıxışı zamanı hakim partiyadan olan namizəd Ovik Ağazaryana qarşı ittihamlar səsləndirməsindən sonra başlayıb.

Daha sonra Parlamentin spikeri Alen Simonyan təhlükəsizlik xidmətinin əməkdaşlarından “Hayastan” fraksiyasının deputatını zaldan çıxarmalarını xahiş edib. A.Sarkisyan isə mühafizəçilərin hərəkətlərini qanunsuz adlandıraraq, bu hərəkətlərinə görə cavab verməli olacaqlarını deyib.