Ermənistan polisi ayağa qaldırıldı | Hava limanında təhlükəli anlar

Ermənistan polisinə Şirak hava limanında partlayıcı qurğunun qoyulması barədə xəbər daxil olub.

Hüquq mühafizə orqanlarından yerli mediaya verilən açıqlamaya görə, xəbərdarlıqdan dərhal sonra sözügedən hava limanı boşaldılıb.

Xəbərdə bildirilib ki, əməkdaşlar təxliyə edildikdən sonra mütəxəssislər partlayıcı qurğunun axtarışına başlayıblar.

“Hazırda polis qüvvələri hadisə yerindədir, alınan mesaj yoxlanılır. Hava limanının ərazisi mühasirəyə alınıb”, – deyə məlumatda qeyd olunub.

Xatırladaq ki, bir müddət əvvəl Zvartnots hava limanına da bombanın qoyulması barədə məlumat yayılmışdı. Amma axtarışlardan sonra bunun şayiə olduğu və məqsədyönlü şəkildə insanları qorxutmaq üçün belə bir addımın atıldığı məlum olub.