Ermənistanda bu tarixdə Paşinyana qarşı mitinq keçiriləcək
“Birlikdə” hərəkatı Ermənistanın Baş naziri Nikol Paşinyanın və bütün Nazirlər Kabinetinin istefasını tələb edib.
Bu barədə hərəkatın nümayəndəsi, Demokratlar Partiyasının lideri Aram Sarkisyan mətbuat konfransı zamanı deyib.
Bildirib ki, fevralın 20-də hərəkat İrəvandakı Azadlıq meydanında mitinq keçirməyi planlaşdırır.
Onun sözlərinə görə, bu aksiyada belə tələbin 100 səbəbi təqdim olunacaq: “Paşinyana bu məsuliyyətdən qurtulmaqda kömək etmək istəyirik, çünki o, belə hədsiz yükə tab gətirə bilməz”.
Hərəkat nümayəndələri müxalifəti təmsil edən deputatları mitinqdə iştiraka dəvət ediblər.
A.Sarkisyan vurğulayıb ki, hazırda Ermənistandakı siyasi qüvvələrlə onların mitinqdə və bütövlükdə prosesdə iştirakına dair danışıqlar aparılır.
Hərəkatın nümayəndəsi, Ermənistanın sabiq baş naziri Qrant Baqratyan isə qeyd edib ki, indiki hakimiyyət uzaqgörən siyasət yürütmür, xüsusən də Qərbin xeyrinə geosiyasi seçim etmək istəyir və ondan kömək gözləyir.
O qeyd edib ki, Paşinyan könüllü istefa verəcəyi təqdirdə ona və ailəsinə təhlükəsizliklə bağlı zəmanət veriləcək.
#Ermənistan teqi istifadə olunub
- Paşinyandan vacib qərar | Ermənistan yeni yol seçir? - Baku TV CANLI
- Paşinyanın Moskvada 1 aprel sınağı | Ermənistanda “soyuq savaş”ın ilk qığılcımları - Baku TV
- Putin və Paşinyan arasında görüş keçirildi | Nələr müzakirə olundu? - Baku TV
- Aprel döyüşlərinin gerçəkləri | Strateji dönüşə yol açan 4 gün nələri dəyişdi? - QARABAĞ XRONİKASI
- Azərbaycandan keçməklə Ermənistana taxıl göndərildi
