Ermənistanda Rusiya əleyhinə mitinq

Ermənistanın Gümrü şəhərində Rusiya hərbi bazası yaxınlığında keçirilən aksiya zamanı polislə etirazçılar arasında qarşıdurma baş verib, 100-dən çox nümayişçi saxlanılıb.

Məlumata görə, etirazçılar Rusiya hərbi bazasına gedən yolu bağlayıblar. Aksiya iştirakçıları bildiriblər ki, Rusiya hərbçilərini “işğalçı” elan edə bilərlər.

“Biz dünyaya göstərəcəyik ki, Ermənistan 102-ci baza adı ilə Rusiya qoşunları tərəfindən işğal edilib”, - deyə “Milli Demokratik Qütb” təşkilatının üzvü Vahe Qasparyan bildirib.

Aksiya zamanı “Rusiya Türkiyə və Azərbaycanın müttəfiqidir!”, “Ar olsun belə müttəfiqə!”, “KTMT-yə yox!” və s. şüarlar səsləndirilib.