Əsrin “Titanik”i yola düşdü | Adambaşına 10 min dollar ödədilər ki...

Dünyanın ən böyük kruiz gəmisi “İcon of the Seas”, yəni dənizlərin ikonası adlanan gəmi ABŞ-nin Mayami limanından yola düşüb.

Uzunluğu 365 metr, çəkisi təxminən 250 min ton olan gəmi Mayamidən 7 günlük Karib turuna çıxıb. Bu səyahətə qoşulan sərnişinlər ən ucuz bilet üçün 2 426 dollar ödəyiblər. Ən bahalı biletin qiyməti isə 10 min dollara yaxın olub. Sözügedən kruizin ərsəyə gəlməsi üçün nə az, nə çox düz 2 milyard dollar xərclənib.

Gəmi eyni vaxtda 7 600 sərnişin daşıma qabiliyyətinə malikdir. Kiçik ada adlandırılan bu gəmidə lüks yataq otaqları, spa salonları, uşaq əyləncə mərkəzləri, 10-a yaxın hovuz, disko klublar, Avropa və Asiya mətbəxtləri və qolf meydançası mövcuddur.