“Etdikləriniz cavabsız qalmayacaq!”- Almaniya Ukrayna üçün hərəkətə keçir

“Almaniya hökuməti Ukraynaya müəyyən növ silahların tədarükü barədə ictimaiyyətə məlumat verməyəcək”.

Bunu Almaniya xarici işlər naziri Yohan Vadeful “Taurus” uzaqmənzilli qanadlı raketlərinin Ukraynaya tədarük edilib-edilməyəcəyi ilə bağlı sualı cavablandırarkən deyib.

Onun sözlərinə görə, Almaniya hökuməti Rusiya Prezidenti Vladimir Putinə nə etdiyimizi öyrənmək imkanı verməyəcək. O, yardımın Ukraynaya özünü effektiv müdafiə etmək imkanı verəcəyini vurğulayıb.

Yohan Vadeful Almaniya Kansleri Fridrix Mertsin dünən Ukraynaya tədarük edilən uzaqmənzilli silahlara qoyulan məhdudiyyətlərin aradan qaldırılması ilə bağlı Kremlin reaksiyasına da cavab verib. Alman nazir Putinin danışıqlar masasına oturmaq üçün bir neçə imkanının olduğunu, amma onlardan istifadə etmədiyini bildirib.

“Biz həmişə açıq şəkildə bildirmişik ki, bu cür davranış nəticəsiz qalmayacaq”, ‒ Y.Vadeful əlavə edib.