Fələstin Səhiyyə Nazirliyindən açıqlama | Son bir sutka ərzində 114 uşaq....

Qəzzada qida çatışmazlığından ölənlərin ümumi sayı 281 nəfərə çatıb.

Bu barədə Fələstin Səhiyyə Nazirliyi məlumat yayıb.

"Son sutka ərzində ikisi uşaq olmaqla aclıq və qida çatışmazlığından səkkiz ölüm faktı qeydə alınıb. Bununla da ölənlərin ümumi sayı 281 nəfərə çatıb ki, onlardan 114-ü uşaqdır", – deyə məlumatda bildirilir.

BMT-nin Ərzaq və Kənd Təsərrüfatı Təşkilatı Fələstin anklavında ilk dəfə olaraq fəlakətli aclıq vəziyyəti elan edib. Sentyabrın sonuna qədər Qəzza zolağında 640 mindən çox insanın Qida Təhlükəsizliyi Təsnifatına görə beşinci mərhələ kimi təsnif edilən qida təhlükəsizliyinin fəlakətli səviyyələri ilə üzləşəcəyi təxmin edilir.

Qəzza Administrasiyasının məlumatına görə, İsrail iyulun 27-dən avqustun 20-dək fələstinlilərə humanitar yardımın çatdırılmasını qismən bərpa etdikdən sonra 2187 yük maşınının zolağa daxil olmasına icazə verib ki, bu da əhalinin yardım ehtiyacının 15 %-dən çoxunu ödəmir.