Fələstində erməni alayı: erməni terrorçulardan HƏMAS-a dəstək
Erməni “Nubar Ozanyan” Alayı, fələstinlilər və Qüds erməniləri ilə həmrəylik nümayiş etdirərək videomüraciət yayıb.
Yayılan kadrlarda ermənilər “Biz İsrailə qarşı döyüşməyə hazırıq” deyə bildirirlər.
Qeyd edək ki, bu “alay” Suriyanın şimalında, PKK terrorçu təşkilatlarının nəzarətindəki ərazilərdə yaradılıb və o, “Orxan Bakırçıyan” kimi tanınmış Nubar Ozanyanın adını daşıyır. Ozanyan 2017-ci ilin avqustun 14-də Suriyanın ər Rəkka bölgəsində məhv edilib.
Fələstin Azadlıq Təşkilatının tərkibində terror fəaliyyətinə başlayan Ozanyan daha sonralar Birinci Qarabağ müharibəsində erməni terrorçuların “Səlibçilər” dəstəsinin tərkibində Azərbaycana qarşı da döyüşüb. 2014-cü ildən etibarən isə o, kürdlərin terror qruplaşmalarının heyətində Suriyanın şimalında fəaliyyət göstərib. “Nubar Ozanyan Alayı”nın mərkəzi qərargahı Suriyanın əl Həsaka bölgəsindəki Tel Tamar şəhərindədir.
#İsrail teqi istifadə olunub
- Müctəba Xamenei dövləti necə idarə edəcək? - İranı, qonşu ölkələri və ABŞ-ni nə gözləyir? - Baku TV
- İsrail Beyrutun mərkəzinə zərbələr endirdi
- İran sürpriz qutusunu açdı: Hörmüz minalandı, proksi qüvvələr İsraillə kütləvi zərbə endirdi
- Təl-Əvivin cənubunda rabitə mərkəzi məhv edilib
- İsraildə həlak olan azərbaycanlının valideynləri "Baku TV"yə danışdılar - Baku TV
