Fələstinlilərin səbri daşdı | ABŞ-dən nələr tələb olunur?

Bir qrup fələstinli Vaşinqtonda məhkəmə iddiası qaldıraraq insan haqlarının pozulmasına görə məsuliyyət daşıyan İsrail bölmələrinə ABŞ-nin hərbi yardımının dayandırılmasını tələb edib.

İddia ərizəsi Kolumbiya federal məhkəməsinin elektron məlumat bazasında daxil olub.

İddia ABŞ dövlət katibi Entoni Blinkenə qarşı qaldırılıb. O, Lihi qanununu icra etməməkdə ittiham olunur. Qanuna əsasən, insan haqlarını kobud şəkildə pozan xarici hərbi birləşmələr ABŞ-dən hərbi yardım almamalıdır.

Sənəddə qeyd edilib ki, Dövlət Departamenti İsrail hakimiyyətinə insan haqlarının pozulmasına görə mühakimə olunan və ABŞ tərəfindən dəstək almamalı olan qrupların siyahısını təqdim etməlidir. Vaşinqton administrasiyası həm də yəhudi dövlətindən yazılı təminat almalıdır ki, bu bölmələr ABŞ-dən hərbi yardım almayacaq.

İddia fiziki şəxs kimi fəaliyyət göstərən beş fələstinlinin adından qaldırılıb. Onların bəziləri ABŞ vətəndaşıdır. İddiaçılar qeyd ediblər ki, onların qohumları Qəzza zolağında yaşayır və ABŞ-dən hərbi yardım alan İsrail qüvvələrinin hərəkətlərinə görə təhlükə altındadırlar.