Fitsoya sui-qəsd hazırlayan şəxs hər şeyi etiraf etdi | Üzr istəyirəm ki...

“Hökumətin siyasəti ilə razılaşmadığım üçün Slovakiya Baş naziri Robert Fitsonu yaralamaq istəyirdim”.

“Reuters” xəbər verir ki, bunu Baş nazirə qarşı sui-qəsddə təqsirləndirilən 71 yaşlı Yuray Çintula deyib. O, hadisəni 30 ildir özünəməxsus olan tapança ilə törətdiyini qeyd edib.

Ticarət mərkəzinin keçmiş mühafizəçisi olmuş şəxs bildirib ki, onun bu yöndə planlarından heç kimin xəbəri olmayıb.

Müttəhim törətdiyi əmələ görə ictimaiyyətdən üzr istəyib, eyni zamanda Baş nazirdən də üzr istəməyə hazır olduğunu bildirib.