Gərginlik artdı | Pakistan Ordusu Hindistana cavab hücumuna hazırlaşır

Hindistanın Pakistana endirdiyi aviazərbələr nəticəsində ölənlərin sayı 26 nəfərə çatıb, 46 nəfər yaralanıb.

Bu barədə məlumat Pakistan ordusuna istinadən yayılıb.

Xəbərdə bildirilib ki, Pakistanın Kəşmir bölgəsindəki Müzəffərabad şəhəri yaxınlığında da çoxsaylı partlayışlar baş verib.

Pakistan ordusunun mətbuat xidməti Hindistanın üç bölgədən hücuma keçdiyini açıqlayıb.

Hindistanın hədəf seçdiyi Cəmmu və Kəşmirdə yerləşən Pakistana məxsus 9 rayonundakı hərbi infrastrukturlardan heç birinə zərbə endirilməyib. Bu isə o deməkdir ki, hücum sırf mülki əhalini hədəf almağa yönəlmişdi.

Hindistan Silahlı Qüvvələri isə açıqlama yayaraq bildirib ki, yaxın günlərdə "Sindur əməliyyatı"nın icrasına başlanılacaq.

Belə bir təhdidə cavab olaraq Pakistanın federal informasiya və yayım naziri Attaullah Tarar televiziyalardan birinə müsahibəsində bildirib ki, Hindistanın bu qorxaq və sivil insanlara yönəlmiş hücumlarını dəf edəcəyik.

Pakistan Hindistana məxsus 5 raketi havadaca zərərsizləşdirib. Onlar hədəfə çatsaydı, insan tələfatı daha çox olacaqdı.