Pleyeri seçin:
Hava limanı boşaldıldı | Danimarkada həyəcanlı anlar
Danimarkada ölkənin ikinci ən böyük hava limanı olan Billund Beynəlxalq Hava Limanında bomba təhlükəsi yaşanıb.
Bu barədə məlumatı yerli media yayıb. Xəbərdə bildirilib ki, hadisə ilə bağlı bir nəfər şübhəli şəxs qismində saxlanılıb. Xəbər yayıldıqdan sonra hava limanı boşaldılıb və uçuşlar ləğv edilib.
Polis komandiri Maykl Vays açıqlamasında bildirib ki, evakuasiya sakit və fəsadsız ötüşüb. Reyslərin yaxın günlərdə bərpa edilməsi gözlənilir.
Qeyd edək ki, yerli medianın iddialarından biri də silsilə terror ehtimalıdır. Belə ki, bundan bir qədər əvvəl hava limanının yaxınlığındakı əyləncə mərkəzində bankomat partladılmışdı. Hadisələr arasında bir neçə saat fərqin olması belə bir variantın ortaya çıxmasına əsas yaradıb.
Kopyalandı
Seçilmişlər
