Hava zərbələri nəticəsində Livanda müxbir və operator həlak oldu

İsrailin hava zərbələri nəticəsində Livanda iki jurnalist həlak olub.

Bu barədə Livan mediası məlumat yayıb. Bildirilib ki, Tair Harfa bölgəsinin bombalanması nəticəsində ikisi jurnalist, biri mülki vətəndaş olmaqla ümumilikdə üç nəfər həlak olub.

Livanın "Al-Mayadeen" telekanalının məlumatına görə, aviazərbələr nəticəsində həyatını itirənlərdən biri telekanalın müxbiri Farah Omar, digəri isə operator Rabih Maamaridir.

İsrail tərəfi hadisənin təfərrüatlarının araşdırılacağını bildirib.

Xatırladaq ki, bir neçə gün əvvəl İsrailin hava zərbələri nəticəsində Livanda “Reuters” Xəbər Agentliyinin də bir jurnalisti həlak olub.