Heç kim onu görmək istəmədi | Paşinyanın niyə ABŞ-də arzusu ürəyində qaldı?

“Hakimiyyət diplomatiyanın nə olduğunu başa düşmür, bütün ümidlərini Baydenə bağladılar. Heç kim onunla görüşmədi. Baxın biz Amerika ilə strateji tərəfdaşlıq müqaviləsi imzaladıq, amma onlar heç bizim liderimizlə görüşməyi lazım bilmirlər”.

Bu sözləri politoloq Artur Xaçikyan ABŞ-də səfərdə olan Ermənistan Baş naziri Nikol Paşinyanı Prezident Donald Tramp və dövlət katibi Marko Rubio da daxil olmaqla, yüksək çinli rəsmilərdən heç kimin qəbul etmədiyi haqda danışarkən deyib.

O bildirib ki, ABŞ-nin Ermənistanda heç bir strateji marağı yoxdur, digər tərəfdən, belə səfərlər aylar öncədən hazırlanır və razılaşdırılır, Paşinyan isə “qəfil” səfərə gedib, görüşməyə can atır:

“Amma Rusiya ilə münasibətləri korlayan, Qərbi istəyən, demokratiya arzulayan Ermənistanın lideri Trampla 15 dəqiqəlik görüşə belə layiq deyildi”.

A.Xaçikyan bu münasibətin Ermənistanın, o cümlədən Ermənistanın ABŞ-dəki səfirinin seçki vaxtı açıq şəkildə Demokratlar Partiyasının namizədini – Kamala Harrisi dəstəkləməsinin nəticəsi ola biləcəyini istisna etməyib.

Qeyd edək ki, Ermənistan Baş naziri 3 fevralda ABŞ-yə səfər edib. 7 fevralda səfəri başa çatsa da, o, yeni administrasiyadan heç kəslə görüşə nail olmayıb.