Həşəratlar bütün dünyada yaşayış areallarını dəyişib

İqlim dəyişikliyi dünya üzrə kəpənəklərin yayılma areallarını sürətlə dəyişdirir və bu, ekosistemlər üçün ciddi siqnal hesab olunur.

109 ölkədə aparılan genişmiqyaslı araşdırma göstərir ki, hər on növdən təxminən biri artıq yaşayış arealını dəyişib – bəziləri yeni ərazilərə yayılıb, digərləri isə əvvəlki mühitini itirib.

Alimlərin məlumatına görə, temperaturun artması, quraqlıq və intensiv yağıntılar kəpənəkləri daha sərin bölgələrə – qütblərə və yüksək dağlıq ərazilərə doğru köçməyə məcbur edir.

Tədqiqat çərçivəsində 1758 növ analiz olunub və dəyişiklik qeydə alınan növlərin böyük əksəriyyətinin arealını genişləndirdiyi müəyyən edilib.

Mütəxəssislər bildirirlər ki, bu dəyişikliklərin əsas səbəbi iqlim dəyişikliyidir, lakin kənd təsərrüfatı fəaliyyəti və yaşayış mühitinin məhv edilməsi də prosesi sürətləndirir.

ABŞ-də son 20 ildə kəpənəklərin sayının 22 faiz azalması isə ekosistemlərdə tarazlığın pozulmasına dair ciddi xəbərdarlıq kimi qiymətləndirilir.