HHM sistemləri ilə bağlı Ağ Evə məruzə edilib - Baku TV

İrana hücumdan əvvəl ABŞ-nin Yaxın Şərqdəki bazalarında Hava Hücumundan Müdafiə (HHM) sistemlərinin çatışmazlığı barədə Ağ Evə məruzə edilib.

Bu barədə "Reuters" agentliyi adı açıqlanmayan amerikalı məmura istinadən məlumat yayıb.

Bildirilib ki, İrana qarşı əməliyyatın potensial riskləri arasında ABŞ-nin Yaxın Şərqdəki bazalarına cavab zərbələri göstərilib. Ağ Ev regionda hərbi qüvvələrini artırsa da, HHM vasitələrinin İran tərəfindən edilən raket zərbələrinin öhdəsindən gələ bilməməsi riski var.

Digər bir məmur bildirib ki, ABŞ Prezidenti Donald Trampa əməliyyatın yüksək risk və potensial olaraq böyük fayda daşıdığı barədə məlumat verilib.

Brifinqdə Yaxın Şərqdə ABŞ-nin maraqları lehinə dəyişiklikdən, eləcə də amerikalılar arasında potensial olaraq çoxsaylı itkilərdən bəhs olunub.