İbrahim Kalının Şam səfəri gündəm oldu | Məscidə gəlişi zamanı diqqətçəkən məqamlar
Bəşər Əsədin devrilməsindən sonra İbrahim Kalının Şam səfəri gündəm olub.
Suriyada 61 illik BƏƏS rejimi müxalif qrupların 12 günlük hərbi əməliyyatlarının ardından devrilib. Bəşər Əsəd və ailəsi Rusiyaya qaçdıqdan sonra Türkiyə Milli Kəşfiyyat Təşkilatının (MİT) rəhbəri İbrahim Kalın Şama ilk rəsmi səfərini həyata keçirib.
İbrahim Kalın səfər çərçivəsində məsciddə namaz qılıb. Onun məscidə gəlişi zamanı diqqətçəkən məqam isə avtomobilin sükanı arxasında “Heyət Təhrir əş-Şam” lideri Əbu Məhəmməd əl-Colaninin olması olub. Əbu Məhəmməd əl-Colaninin kostyum geyindiyi və avtomobili şəxsən idarə etdiyi bildirilib. İ.Kalının səfəri zamanı yüksək səviyyədə təhlükəsizlik tədbirləri görülüb.
Sosial mediada İ.Kalının Şam səfəri ilə bağlı başqa bir detal geniş müzakirə olunub. Jurnalist Kemal Öztürkün paylaşdığı fotoda MİT rəhbərinin 3 700 TL (təxminən 179 AZN) dəyərində, yerli istehsal olan ayaqqabı geyinməsi diqqət çəkib. İstifadəçilər ayaqqabının qiymətini məqbul hesab edərək İbrahim Kalının sadə və təvazökar tərzini yüksək qiymətləndiriblər.
Qeyd edək ki, bu səfər həm Türkiyə-Suriya münasibətləri, həm də Suriya müxalifətinin gələcəyi baxımından əhəmiyyətli bir hadisə kimi qiymətləndirilir.
#Türkiyə Milli Kəşfiyyat İdarəsi teqi istifadə olunub
- Türkiyə Suriyada görün nələri məhv etdi | Detallar açıqlandı
- İraqın şimalında terror təşkilatının iki lideri məhv edildi
- Türkiyə kəşfiyyatından əməliyyat | PKK-ya ağır zərbənin detalları
- Türkiyə İraqda hərəkətə keçdi | Zilan Azak barədə məlumatlar ortaya çıxdı
- Türkiyədən PKK-ya ağır zərbə | Zərərsizləşdirilənlərin kimliyi açıqlandı
