İddia: Məşhur iş adamı rusiyalı modeli döydü

Rusiyalı model Mariya Avdienko türkiyəli məşhur iş adamı Adnan Dalğakıran və onun sevgilisi Büşra Karakaşı zorakılıqda ittiham edib.

Hadisə barədə model sosial şəbəkə hesablarında məlumat verib.

Avdienkonun sözlərinə görə, hadisə noyabrın 18-də baş verib. İş adamı onu ad gününə dəvət edib və həmin məclisdə 2022-ci il “Miss Türkiyə” müsabiqəsinin qalibi olan sevgilisi də iştirak edib.

Bir müddət sonra şənlik zamanı Dalğakıran və sevgilisi onu amansızcasına döyüb.

Model bununla bağlı prokurorluğa şikayət edib. O qeyd edib ki, hazırda yalnız Dalğakıranın sevgilisinə qarşı ittiham irəli sürülüb.

Qeyd edək ki, Adnan Dalğakıran 25 ildən artıqdır vintli hava kompressorlarının istehsalı ilə məşğul olan beynəlxalq sənaye holdinqinə rəhbərlik edən türkiyəli iş adamıdır.