“İldırım” insanlar arasında qeydə alınmış dünya rekordunu qırdı

Çinin paytaxtı Pekində insanabənzər robotların və insanların birgə yarımarafonu keçirilib.

Təxminən 12 min nəfər, o cümlədən, Almaniya, Fransa və Braziliyadan olan 300 insanabənzər robot yarımarafonda iştirak edib.

Ağıllı robotlar arasında finişə birinci "Ulduz partlayışı" adlı kollektivinin "İldırım" robotu çatıb. O, keçənilki rekorddan üç dəfədən yaxşı nəticə göstərərək, 21 kilometr məsafəni 50 dəqiqə 26 saniyəyə qət edib. Təşkilatçıların sözlərinə görə, bu nəticə yarımmarafonda insanlar arasında qeydə alınan dünya rekordunu 6 dəqiqə 16 saniyə üstələyir.

İnsanlar arasında qalibiyyəti Çin idmançıları qazanıblar. Yarışda komandaların təxminən 40%-i avtonom, 60%-i isə uzaqdan idarəetmə ilə robotlardan istifadə edib. Robotlar məsafəni insanlarla birlikdə, lakin ayrılmış cığırla qət ediblər.

Təşkilatçılar bildiriblər ki, artıq ikinci ildir keçirilən marafona qatılan robotlar xeyli təkmilləşdirilib.

Qeyd edək ki, ötən il dünyada insanabənzər robotların iştirakı ilə Çində keçirilmiş ilk yarımarafonun qalibi "Tiangong" adlı robot olub.