İnsanın sağlamlığını göstərən 4 əlamət

"İnsanın mükəmməl dərəcədə sağlam olduğunu göstərən dörd əsas əlamət var".

Bu barədə ispaniyalı diyetoloq Saul Sançes Arias yerli mediaya müsahibəsində bildirib.

Ekspert iddia edir ki, sağlamlığı hətta sakit vəziyyətdəki tənəffüs tezliyinə əsasən də qiymətləndirmək mümkündür.

Həkimin sözlərinə görə, dəqiqədə 18-dən çox olmayan nəfəsalma tezliyi ürək-damar sisteminin fəaliyyətini və emosional tənzimləməni yaxşılaşdırır. Bu, rahatlıqdan məsul olan həzm və yuxuya cavabdeh olan parasimpatik sinir sistemini aktivləşdirir, həmçinin stres səviyyəsini azaldır.

Mükəmməl sağlamlığın daha bir göstəricisi gözlər açıq vəziyyətdə bir ayaq üstə 30 saniyədən çox dayana bilmək qabiliyyətidir.

"Bu, hərəkətlərə adekvat nəzarətin və sinir sisteminin düzgün işləməsinin göstəricisidir. Belə bir tarazlıq qabiliyyəti həm də uzunömürlülüyün rəmzi hesab olunur", – deyə Saul Sançes Arias qeyd edib.

Həkim əlavə edib ki, sağlam insan üfüqi vəziyyətdə də 30 saniyədən çox qala bilər. Bir neçə tədqiqat bu hərəkəti yerinə yetirmə müddəti ilə daxili orqanları əhatə edən "gizli" yağın aşağı faizi arasında birbaşa əlaqə olduğunu sübut edir.

Sonuncu vacib göstərici isə əllərin sıxma gücüdür. Bu gücün zəif olması müxtəlif ciddi xəstəliklərin inkişaf riski ilə əlaqələndirilir. Həkim bildirib ki, bu gücü yoxlamağın ən sadə yolu turşu bankasını yalnız əllərin köməyi ilə açmağa çalışmaqdır.