İran parlamenti qərar qəbul etdi | Hörmüz boğazı bağlanarsa, nə baş verər?

İran parlamenti Hörmüz boğazının bağlanması ilə bağlı qərar qəbul edib.

Bu barədə İran parlamentindən bildirilib. Qeyd olunub ki, qərarı İranın Milli Təhlükəsizlik Şurası təsdiqləməlidir.

Xatırladaq ki, bundan əvvəl İranın Müdafiə Nazirliyi boğazın bağlana biləcəyini bildirib.

Hörmüz boğazı Fars və Oman körfəzlərini birləşdirir. Boğazın şimalında İran, cənubunda isə Oman və Birləşmiş Ərəb Əmirlikləri yerləşir.

ABŞ Hörmüz boğazında tranzit gəmiləri qorumaq üçün hərbi tədbirlərdən istifadə imkanını nəzərdən keçirə bilər. Bu barədə CBS telekanalında dövlət katibi Marko Rubio bildirib.

“İran boğazı bağlamaq qərarına gəlsə, ilk qəzəblənən çinlilər olacaq, onlar buradan keçən neftdən asılıdırlar”, ‒ deyə diplomat qeyd edib.

O əlavə edib ki, Tehranın belə bir addımı genişmiqyaslı eskalasiyaya səbəb olacaq və buna təkcə ABŞ deyil, digər dövlətlər də cavab verəcək.