İran prezidentinə sanksiya tətbiq olunacaq?

Avropa Parlamentində İrana qarşı qətnamə qəbul edilib.

Qanunvericilər SEPAH-ın Avropa İttifaqının terror təşkilatları siyahısına əlavə edilməsi barədə tələb irəli sürüblər.

Qətnamədə İranın girov diplomatiyası pislənilib və Avropa İttifaqından ölkədə insan hüquqlarının pozulmasına görə məsuliyyət daşıyanlara, o cümlədən Ali Rəhbərə, prezidentə sanksiya tətbiq edilməsi tələb edilib. Sənəd qurumun rəsmi saytında da dərc edilib.

Parlament eyni zamanda Avropa İttifaqına çağırış edib ki, İrana qarşı mübarizə aparmaq üçün öz strategiyasını işə salsın. Qeyd edək ki, sənəd lehinə 516, əleyhinə 4 səslə qəbul edilib, 27 nəfər isə bitərəf qalıb.