Dünya
Pleyeri seçin:
İrana sanksiyalar tətbiq olunacaq? | Dəstək istəyirik
ABŞ BMT Təhlükəsizlik Şurasında İranın İsrailin hərbi obyektlərinə hücumu ilə bağlı sənəd yayıb.
Bu barədə ABŞ-nin BMT-dəki daimi nümayəndəsinin müavini Robert Vud deyib.
“BMT Təhlükəsizlik Şurasına göndərdiyimiz sənədin cavabını gözləyirik. Hücumla bağlı cavab tədbirləri olmalıdır, sənədə maksimum dəstək istəyirik”, – deyə diplomat bildirib. O, sənədin mətnini açıqlamayıb.
Bu arada, İranın İsraillə münaqişəsi fonunda Tehrana qarşı yeni sanksiyaların tətbiqi məsələsi “Böyük yeddilik” (G7) ölkələrinin xarici işlər nazirlərinin aprelin 16-dan 19-na qədər İtaliyada keçiriləcək görüşündə müzakirə olunacaq. Bu barədə Kanadanın xarici işlər naziri Melani Joli deyib.
“Mən G7 xarici işlər nazirlərinin görüşü üçün İtaliyaya gedəcəyəm, orada İran və İsrail arasındakı münaqişə haqqında çox danışılacaq və biz İrana qarşı yeni sanksiyaların tətbiqi barədə danışacağıq”, – deyə xarici işlər naziri bildirib.
Kopyalandı
Seçilmişlər
