İranda 7 mindən çox hədəfə zərbə endirilib - Baku TV

“İranda 7 mindən çox hədəfə hava zərbələri endirilib”. Bunu ABŞ Prezidenti Donald Tramp bildirib.

Onun sözlərinə görə, son bir həftə ərzində döyüş əməliyyatları zamanı İranın 100-dən çox hərbi gəmisi batırılıb və ya məhv edilib.

“Bunlar əsasən hərbi və kommersiya obyektləri idi. İndi raketlər çox nadir hallarda buraxılır, çünki onların az raketi qalıb. Onlar sözün əsl mənasında məhv ediliblər. Onların hərbi hava qüvvələri artıq mövcud deyil. Onların hərbi dəniz donanması məhv edilib. Hava hücumundan müdafiə sistemi dağıdılıb. Biz onların ballistik raket buraxılışlarını 90%, dron hücumlarının sayını isə 95% azaltmağa nail olduq”, – deyə Tramp əlavə edib.

“İran danışıqlar zamanı ABŞ-İsrail təcavüzünə məruz qalıb və bu hücum İslam Respublikasının Ali Rəhbəri, eləcə də bir sıra mülki şəxslərin və hərbi liderlərin ölümünə səbəb olub”.

Bu sözlər isə İranın Milli Təhlükəsizlik Şurasının katibi Əli Laricaninin müsəlman ölkələrinə ünvanladığı altı bəndlik müraciətində yer alıb.

Onun fikrincə, qarşı tərəf dalana dirənib və çıxış yolu tapmaqda aciz qalıb.

Laricani ABŞ-nin bazaları olan ölkələri tənqid edib və İsrailin İrana hücumuna dəstək verənləri qınayıb.

Müraciətin 5-ci bəndində o, islam dünyasının gələcəyinin təhdid altında olduğunu deyib və əlavə edib ki, islam dünyası birləşsə, bütün ölkələrin təhlükəsizlik, tərəqqi və müstəqilliyi təmin edilər.